Хатылынская модельная библиотека

Быйыл, 2025 сылга, Аҕа дойду улуу сэриитин кыттыылааҕа, Саха АССР норуодунай суруйааччыта, РСФСР култууратын үтүөлээх үлэһитэ П.А.Ойуунускай аатынан Судаарыстыбаннай бириэмийэ лауреата, ССРС суруйааччыларын сойууһун чилиэнэ Василий Сергеевич Соловьев — Болот Боотур төрөөбүтэ 110 сылын туолар .

Болот Боотур аатын чиэстээхтик сүгэр Хатылы орто оскуолатыгар суруйааччы үбүлүөйдээх сылын көрсө нэдиэлэ устата үөрэнээччилэргэ, нэһилиэк уонна оскуола библиотекардара, кини олоҕун уонна айар үлэтин сырдатар библиотечнай чаастары ыыттылар. Оҕолор сэргээн иһиттилэр, элбэҕи биллилэр. Түмүккэ В.С.Соловьев-Болот-Боотур оҕолорго анаабыт айымньыларыттан бэйэлэрин илиилэринэн кинигэ быыһыгар угуллар закладкалары, таабырын-хоһооннорунан кыра кинигэ, истиэнэҕэ ыйанар хаһыаттары, тургутук оонньуулары , уруһуйдары оҥордулар.