Хатылынская модельная библиотека

Кыайыы күнэ — биһиги дойдубутугар биир саамай улахан суолталаах бырааһынньык буолар. Быйыл Улуу Кыайыы 80 сылын көрсө Хатылы нэһилиэгэр үгүс тэрээһиннэр ыытылыннылар. Ол курдук ааспыт нэдиэлэҕэ, «Голубь- символ мира и добра» олохтоох бэбилитиэкэ «Ньургуһун» уһуйаан иитиллээччилэригэр доҕордоһууу, эйэлээх олох холууптарын туһунан бэсиэдэ уонна маастар кылаас ыытта.

Ыам ыйын 7 күнүгэр, «Көһөрүллүү» түмэлигэр « Кыайыы тойуга» дьаһал ыытылынна.
Бу күн биһиги бэтэрээннэрбит, Хатылы нэһилиэгин Аҕа дойду сэриитин кыттыылаахтарын уонна Кыайыыны уһансыбыт дьоммут оҕолоро, аймахтара — Кривошапкина Л.А., Козлова П. И. , Соловьев В. Н, Новгородов Н. Н, Захарова Н. С., Максимов П.И. кыыһа Кристиналыын кэлэн кинилэр олорон ааспыт олохторун туһунан кэпсээтилэр. «Өйдүүбүт! Сүгүрүйэбит! Махтанабыт!» кинигэ быыстапкатын сэҥээрэ көрдүлэр. Чурапчы улууһун олоҥхо киинин салайааччыта Попов Д.Д., улэһиттэрэ , тойуксуттара эйэлээх халлаан иһин охсуспут буойуттарбытыгар сүгүрүйэн тута хоһуйан бэйэлэрин тойуктарын бэлэхтээтилэр. Тыл алыптаах эйгэтинэн тыыннаммыт, кылыһахтаах Кыайыы тойуга дуорайда.

Муус устартан саҕалаан ыам ыйын 5 күнүгэр диэри Сылаҥ модельнай библиотекатын көҕүлээһининэн «Кыайыы кинигэтэ» закладка оҥоруу акциятын өйөөн Хатылы библиотеката кыттыһарын биллэрбитэ. Манна Хатылы орто оскуолатын алын сүһүөх үөрэнээччилэрэ көхтөөх кыттыыны ыллылар. Бу акция көмөтүнэн оҥоһуллубут кинигэ закладкалара Аҕа дойду сэриитин кыттыылаахтара, суруйааччылара кинигэлэригэр уонна сэрии туһунан улахан үйэлээх айымньыларга угулуннулар. Бу кинигэлэр Кыайыыны уһансыбыттар тустарынан буоларын биллэриэ турдаҕа! Хамсааһыҥҥа кыттыыны ылбыт оскуола оҕолоругар уонна төрөппүттэргэ, кылаас салайааччыларыгар махталбытын тиэрдэбит.