«Айылҕа сүрэҕим абылаҥа»
Саха дьоно айылҕаны харыстыыр, уларыйбакка өр кэмнэр, уһун үйэлэр усталарыгар биир кэмник турарыгар баҕа санаалара элбэх. Күөх халлаан, үрэхтэр, өрүстэр ыраас дьэҥкир уулара, күөҕүнэн чэлгийбит алаастар, хатыҥ чараҥнар, мэччийэ сылдьар сылгылар, ынахтар сахалар үтүө, үчүгэй, олохторугар ситиһэ сатыыр баҕа санаалара буолар.
Алтынньы 3 күнүгэр, Хатылытааҕы көһөрүллүү тумэлигэр Чурапчы улууһун «Норуот маастара», Хатылы нэһилиэгин Бочуоттаах олохтооҕо, үлэ бэтэрээнэ, айылҕаттан бэриллибит талааннаах худуоһунньук Николай Николевич Колесов- Дьүһүй «Айылҕа сүрэҕим абылаҥа» уруһуйдарын быыстапката үөрүүлээх арыллыыта буолла.
Сааһын тухары оҕо курдук бүөбэйдээн илдьэ сылдьар дьоҕурун кэккэлэччи кэрэһэлээн, бар дьонун иннигэр бэлэх уунан бу быыстапкатын 80 үбүлүөйдээх сааһын көрсө, 60-тан тахса, айылҕаны дьүһүйэн уруһуйдаабыт хартыыналарын туруорда . Үтүө киһи сыралаах үлэтэ сыаналаныахтаах, үтүө дьо5ура кэнчээри ыччатыгар өйдөбүл буолуохтаах. Эһиги иннигитигэр туруоруллубут быыстапканы биир нэдиэлэ устата кэлэн керуҥ, истиҥ, сыаналааҥ!
