Хатылынская модельная библиотека

Кырыктаах фашизм самнарыллыбыта, сэбиэскэй норуот Аҕа Дойду Улуу сэриитин Кыайыынан түмүктээбитэ 80 сыла Дойду үрдүнэн бэлиэтэннэ. Хатылы олохтоохторо Өрөгөйдөөх күнү ыам ыйын 8 күнүгэр Кыайыы болуоссатыгар түмсүүлээхтик, өрө көтөҕүллэн көрүстүлэр.

Бу күн сүһүөхтээх бэйэбит сүгүрүйэн туран Аан дойдуну фашизмтан босхолообут кыайыылаах көлүөнэҕэ дириҥ махталбытын тиэртибит. Нэһилиэкпит Албан Аат киин болуоссатыгар Аҕа дойду Улуу сэриитин кырыктаах кыргыһыыларын хонууларыттан төрөөбүт төрүт дойдуларыгар төннүбэтэх, Ийэ дойдуларын туһугар хорсуннук сэриилэһэн, эргиллэн кэлэн эйэлээх олоҕу тутуспут бары биир дойдулаахтарбыт сырдык кэриэстэригэр өйдөбүнньүк умуллубат уоту уматыы үөрүүлээх түгэнэ буолла.

Ол сыллардааҕы, Аан дойду остуоруйатыгар улахан сабыдыаллаах, ыар сүтүктээх, харах уулаах уонна өрөгөй үктэллээх Улуу Кыайыы суолтатын көрдөрөр дьүһүйүүнү (сал.И.К.Слепцова) көрдүбүт. Кыайыы аҕыс уонус сылынан 80 паара кыттыылаах «Кыайыы вальса» (сал. Е.С.Федосеева) үҥкүүлэннэ. Олохтоохтор олорор түөлбэлэринэн Кыайыы эстафетыгар кытыннылар.
Үгэс курдук саллаат хааһытын амсайдылар, «Великой Победе посвящается» кинигэ, «Кыайыы туоһулара» хопполор аахсыйа- быыстапкалары сэргии көрдүбүт.

Салгыы «Көһөрүллүү» түмэлигэр Аҕа Дойду Улуу сэриитин кыттыылааҕа, үлэ уонна спорт бэтэрээнэ, ССРС киономатографиятын туйгуна, худуоһунньук Алексей Дмитрьевич Картузов олоҕун сырдатар «Дэгиттэр талааннаах Алексей Картузов» кинигэ сүрэхтэниитэ уонна Көһөрүллүү кытыылааҕа, үлэ бэтэрээнэ Луковцев Михаил Петрович стендэтин арыйыы дьоһун тэрээһиннэр буоллулар.

Киэһэтин, Поповтар ааттарынан спортсаалаҕа «Күөгэйэр күннэрбит көмүс түгэннэрэ» аҕа саастаах дьоммут ахтылҕан кэнсиэрин дуоһуйа көрдүбүт, тыннаах доҕуһуолунан үҥкүү киэһэтэ буолла.