Олунньу 13 күнэ — «Төрөөбүт төрүт тыл уонна сурук-бичик күнэ»
Саха Өрөспүүбүлүкэтин бастакы Бэрэсидьиэнэ М.Е.Николаев «Тереебут тыл уонна сурук-бичик күнүн» биллэрэр туһунан 1294 нүөмэрдээх ыйааҕа 1996 сыллаахха олунньу 9 күнүгэр тахсыбыта. Бу ыйаахха олоҕуран, төрөөбүт сахатын тылын сайыннарыыга уонна чинчийиигэ олоҕун анаабыт, саха алпаабытын төрүттээбит, бастакы лингибиис , учуонай С.А.Новгородов төрөөбүт күнэ — олунньу 13 күнэ — Төрөөбүт тыл уонна сурук-бичик күнүнэн биллэриллибитэ.
Нэдиэлэ устата нэһилиэкпитигэр бу бэлиэ күҥҥэ аналлаах үгүс тэрээһиннэр ыытылыннылар. Ол курдук, Е.Д.Доҕордуурап аатынан олохтоох ааҕар дьиэ уонна В.С.Соловьев-Болот-Боотур аатынан Хатылы орто оскуолатын бэбилитиэкэрдэрэ оҕолорго интэриэһинэй уруоктары ыыттылар.
Төрөөбүт тыл уонна сурук-бичик күнүгэр анаан ыытыллар тэрээһиннэр чэрчилэринэн оҕолорго Өрөспүүбүлүкэтээҕи «Таптыыр сахам тылынан…», уонна сылын аайы ыытыллар «Сахалыы дьыктаан» дьыктаан суруйуутугар аахсыйалар ыытылыннылар.
Ийэ тылбыт күнүгэр аналлаах кинигэ быыстапкаларын дьон-сэргэ, оҕо-аймах сэҥээрэ көрдүлэр. Олунньу 13 күнүгэр,нэһилиэкпит түөлбэлэрин икки ардыларыгар «Т.О.К- Толкуйдаа, Оонньоо, Кыай»интеллектуальнай оонньуу тэриллэн, кыттааччылары сэргэхситтэ.
Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ сайда турдун!