Аҕа дойдуну көмүскээччилэр күннэригэр ыытыллыбыт тэрээһиннэр
Олунньу ый 23 күнүгэр 8 кылаас үөрэнээччилэригэр армия олоҕуттан, уол оҕо хайдах буолуохтааҕын, сахалыы сиэр-туом, бэйэ доруобуйатын көрүнүү туһунан аҕалары кытта сүрдээх истиҥ көрсүһүүлээх кылаас чааһа буолан ааста. Бу күн хас биирдии оҕоҕо кыргыттар да, уолаттар да олус наадалаах сүбэлэри, ыйытыктарыгар сөптөөх хоруйдары ылан, ирэ-хоро кэпсэтиһэн тарҕастылар. Маннык тэрээһиннэр инникитин өссө да ыытылла турдуннар.
Салгыы киэһэ Хатылыбыт нэһилиэгэр Аҕа дойдуну көмүскээччилэр күннэригэр анаан сүрдээх сэргэх киэһэ буолан ааста. Ол курдук бастаан «Уол оҕо эрэлбит- эр киһи эркиммит» диэн 8 түһүмэхтээх 2 хамаандаҕа интеллектуальнай ТОК күрэх буолбута. Манна кыттааччылар бары сүрдээх көхтөөхтүк кытыннылар. Күрэх түмүгүнэн «Дохсуннар» хамаандалара 1миэстэ , «Хотойдор» хамаандалара 2миэстэ буолары ситистилэр, кыттааччылар бары грамоталарынан, «Алгыс» эбээ түмсүүтүн минньигэс, бырааһынньыктааҕы тордунан наҕараадаланнылар. Ону таһынан түмүк тахсыар диэри «Быа эрийиитигэр» Драгунов Алеша, «Миэстэттэн ырааҕы ыстаныыга» Барашков Рустам абсолютнай күрэхтэһии кыайыылаахтара буолан Надежда, Лена чааһынай маҕаһыыннара туруорбут анал бэлэхтэрин туттулар.
Бука бары кыайыылаахтарбытыгар истиҥ эҕэрдэ, спонсордарбытыгар, көхтөөх кыттааччыларбытыгар барҕа махтал буолуохтун!
