Хатылынская модельная библиотека

Муус устар 5 күнүгэр Хатылы нэһилиэгэр кыһыны атаары бырааһынньыга бэрт сэргэхтик буолан ааста.

Тэрээһин үөрүүлээх чааһын «Ситим» НАДЬ салайааччыта Соловьев Е.А. эҕэрдэ тылын эттэ. Нэһилиэкпит талааннаах ырыаһыттара тэрээһини киэргэттилэр.

        Бу күн үгэс буолбут араас күрэхтэр ыытылыннылар. Ол курдук, олорор түөлбэлэринэн , түмсэннэр  "Матушка Весна" диэн блиныттан композиция оҥорон аҕалан  самовар эгэлгэтин, блины арааһын тэниттилэр. Түмүккэ, "Стадион" түөлбэ эрэллээхтик  1-кы,  "Таатта" түөлбэ 2-с, "Молодежнай" 3-с миэстэни ыллылар. 

    Ону тэҥэ  салгын саатынан, рогатканан сыал  ытыыга, бэрэбинэ үрдүгэр куулунан суулларсыы,  керлинг, корн хол, эр дьоҥҥо ойбон алларыы, дьиэтээҕи кыра ыттары киэргэтии  курдук сонун күрэхтэргэ кэлбит дьон кыралыын, улаханныын астына кытыннылар. Кыайыылаахтар  илии тутуурдаах, өттүк харалаах буоллулар.

     Салгыы олохтоохтор күүстэринэн сааскы салгыҥҥа көрдөөх частушкалар дьиэрэйдилэр. Минньигэс астаах атыы-тутуу дэлэйдик тардылынна.

Онон кыһыммытын атаардыбыт, чаҕыл күннээх, түбүктээх сааспытыгар
үөрэ-көтө үктэннибит.