Оҕо кинигэтин нэдиэлэтэ
Аан дойдуга оҕо кинигэтин күнэ улуу остуоруйаһыт Ганс Христиан Андерсен төрөөбүт күнүгэр сөп түбэһиннэрэн, муус устарга бэлиэтэнэр. Бу күнү Оҕо кинигэтин аан дойдутааҕы Сэбиэтэ 1967 сыллаахха биллэрбитэ.
Дания улуу суруйааччыта Ганс Христиан Андерсен аатын билбэт киһи диэн суоҕа буолуо. «Гадкий утенок», «Дюймовочка», «Стойкий оловянный солдатик», «Принцесса на горошине», «Снежная королева» уо.д.а. остуоруйаларын оҕо сылдьан бары да умсугуйан аахтахпыт.
Биһиги бибилэтиэкэбитигэр оҕону кыра эрдэҕиттэн ааҕыыга көҕүлүүр сыаллаах үлэ сылын ахсын утумнаахтык барар. Оҕо кинигэтин нэдиэлэтин чэрчитинэн, бэбилитиэкэҕэ аһаҕас аан күннэрэ буоллулар. Оҕолор Улуу остуоруйаһыт кинигэлэрин, кини олоҕун уонна айар үлэтин туһунан билистилэр, «Кинигэ сэһэргиир» оҕолорго кинигэ быыстапкатын көрөн сэргээтилэр.
Ону тэҥэ, оҕону төрөөбүт тылынан ааҕарга көҕүлүүр улуустааҕы «Төрөөбүт тыл биһигэ» бырайыак чэрчитинэн «Эбэ ааҕар» диэн уһуйаан бэлэмнэнии бөлөҕүн оҕолоругар бэрт интэриэһинэй тэрээһин буолла. Саха омук сиэрин-туомун, өбүгэтин үгэһин, тыйыс айылҕаҕа олох олорор дьаһаҕын, төрүт дойдутугар тапталын, кэнэҕэски ыччатыгар остуоруйалаан, тойуктаан, сэһэннээн, номохтоон тиэрдэр үгэстээҕэ. Ол үгэс утума быстыа суохтаах, салҕаныахтаах. «Эбэ ааҕар» тэрээһиммитигэр СӨ Култууратын туйгуна, истиҥ ийэ, эйэҕэс эбэ Слепцова И.К. ыалдьыттаата. Розалия Винокурова -Оруоһа «Сыл-дьыл эргиирэ: уон икки ый» кыра саастаах оҕолорго анаммыт аныгы остуоруйаларын кинигэтиттэн муус устар остуоруйатын бэрт сэргэхтик кэпсээтэ. Оҕолор оттомноохтук олорон истэн баран, тугу өйдөөбүттэрин уруһуйга түһэрэн бэлэх ууннулар.
