«Ыал саргыта» улуус пилотнай бырайыагын чэрчитинэн, «Төрөөбүт тыл биһигэ» киин иһинэн ыытыллар «Ааҕар саха сайдам ыала» күрэх сыл устата дьиэ кэргэнинэн ааҕыы суолтатын үрдэтэр араас тэрээһиннэри ыытар былааннаах. Бу күрэх бастакы тэрээһининэн «Дьиэ кэргэн — ийэ тыл биһигэ» алта түһүмэхтээх өй-оонньуута ыытылынна. Хатылы алын сүһүөх кылаастарга үөрэнэр оҕолордоох, 4 дьиэ кэргэн кыттыыны ылла. Оонньуу түмүгүнэн: Надя, Саргылана Кривошапкиннар 1м., Алиса, Любовь Максимовтар 2м., Валера, Юлия Никифоровтар 3м. таҕыстылар.

«Ааҕар саха сайдам ыала» күрэх иккис тэрээһинэ, дьиэ кэргэн олимпиадата, муус устар 24 күнүгэр үс бөлөххө: алын, орто, үрдүкү сүһүөххэ араарыллан ыытылынна. Олимпиадаҕа улуус үрдүнэн барыта холбоон 596 ыал, ол иһигэр Хатылы нэһилиэгиттэн 36 дьиэ кэргэн кыттыыны ылбытыттан Добун сурук 2 урдэлин Сайаан, Марианна Кривошапкиннар, Добун сурук 3 урдэлин Сандаара, Анна Павлуцкайдар ылары ситистилэр.

Кыттыыны ылбыт бары дьиэ кэргэттэрбитигэр махталбытын тиэрдэбит!