«Уһаныы — сай саҕанааҕыттан» саҥа тахсыбыт кинигэ сүрэхтэниитэ.
Бүгүн балаҕан ыйын 15 күнүгэр А.А.Саввин аатынан Чурапчытааҕы история уонна этнография түмэлигэр биһиги биир дойдулаахпыт, былыргыны чинчийээччи, СӨ норуотун маастара, кыраайы үөрэтээччи, дэгиттэр уус, Хатылы нэһилиэгин Бочуоттаах олохтооҕо Николай Николаевич Аржаков-Боло Уус «Уһаныы — сай саҕанааҕыттан» диэн саҥа тахсыбыт дьоһун кинигэтин сүрэхтэниитэ үрдүк таһымҥа буолан ааста.
Кэлбит дьон бу саҥа тахсыбыт буруолуу сылдьар кинигэни олуһун сэргээтилэр, астыннылар.
Н.Н.Аржаков — Боло Уус бүгүн 14-с кинигэтэ күн сирин көрдө. Бу кинигэлэр Хатылытааҕы нэһилиэк бибилэтиэкэтигэр бааллар, уларсан көрүн, ааҕын, сэргээн диэн ыҥырабын.
